Papiamentu

Pa Hipotek ku Garantia di Boneiru lo paga den 2024 un solo biaha e provishon di garantia na rason di 0,6% riba e suma total di e fiansa.

Bo por sera un Hipotek ku Hipotek ku Garantia di Boneiru, den kaso ku bo ta kumpli ku e sìguiente kriterio, manera entre otro:

• Bo tin un kontrato fiho(salario a base di un trabou pa tempu indefiní), i esaki ta keda komprobá dor di e deklarashon di e doño di trabou;
• E hipotek ku Bo ta sera ta pa kumpra un kas eksistente òf un kas ku mester konstruí ainda;
• E suma pa kumpra e kas i e préstamo total no ta surpasá $225.000.

Bo por pidi un Hipotek ku un Hipotek Garantia di Boneiru na Maduro & Curiel’s Bank Bonaire (MCB).

MCB ta disidí si bo ta bin na remarke pa un hipotek. Despwes e Stichting Waarborgfonds Eigen Woningen ta disidí si bo petishon pa Hipotek ku Garantia di Boneiru ta keda akseptá a base di e préstamo hipotekario na Maduro & Curiel’s Bank.

E Hipotek ku Garantia di Boneiru ta un fiansa den sentido di artíkulo 7:850 Kódigo Sivil BES (BW BES) di Stichting Waarborgfonds Eigen Woningen na e instansia ku ta presta bo e plaka.

Si Bo tin un fiansa ku Hipotek Garantia di Boneiru i bo kas mester wòrdu bendí ku un debe restante, Bo instansia por pidi e Stichting Waarborgsomfonds pa paga e debe restante. Si e Stichting paga e debe restante na esun ku a fia bo plaka? E ora ei e Stichting tin e derecho pa kobra e resto di e debe, a base di artíkulo 7:866 BW BES. Esei kier men ku bo mester paga e resto di e debe bek na e Stichting. Si bo no hasi esei? E ora e Stichting Waarborgfonds Eigen Woningen por tuma medidanan pa haña pago di e restante di e debe for di bo.

E Stichting  Waarborgfonds Eigen Woningen a skohe pa bou di sierto kriterio pa kanselá e posibilidat di kobra e debe habri. Bo no tin mester di paga bek e montante na debe.  Bou di kriterio pa anulá e debe, bo por lesa kon e Stichting  Waarborgfonds Eigen Woningen ta balotá kon bo ta bin na remarke. pa kanselá e debe. I na ki kriterio bo tin ku kumpli. E instansia ku ta fia e suma ta inkluí e kriterio di e areglo pa kanselá e debe den e akta di hipotek.

Si e Stichting Waarborgfonds Eigen Woningen no ta paga e restante di e debe òf un parti na e instansia ku a presta e suma? I bo ta kumpli na opinion di e Stichting, segun e kriterio  di e areglo pa kanselá e debe? E ora ei e instansia ku a fia e plaka no por kobra esaki serka bo.

Tin dos kriterio pa bin na remarke pa kanselashon di e debe. Bo tin di kumpli ku tur dos  kriterio:

• E promé kriterio pa bin na remarke pa un kanselashon di debe ta, ku bo no ta den e posishon di paga e debe bek i ku bo tabata di buena fe. En general (aparte di algun eksepshon) bo ta kumpli na e kriterio aki, ora ku bo no por paga e debe òf un parti di esaki pa motibu di: terminashon di un relashon, fayesimentu di e pareha, desempleo sin di ta bo kulpa, i/òf no por traha mas, i dor di esaki mester a bende e kas.
• E di dos kriterio pa bin na remarke pa kanselá un debe, ta na momentu ku bo ta koperando kompletamente pa yega na un pago bek di e fiansa i un suma máksimo di preis di benta di e kas. Esaki en general ta e kaso ora:
  • Ora e kas a wòrdu bendí den un forma privá;
  • No tin daño òf mantenshon atrasá ku ta di influensia negativo riba e balor di e kas;
  • Ku bo a presta koperashon kompletu pa evitá òf limitá e pèrdida.

Bo por lesa e kriterio nan aki den Bo akta di Hipotek. Ei den tin ámbos kriterio inkluí pa kanselá un debe bou e kriterio di buena fe i koperashon kompletu.

Nos ta balotá despues – ora ku bo banko solisitá nos pa paga e pèrdida ku bo a sufri òf ku bo a kumpli na tur dos e kriterio.

Bo a sera un hipotek ku un Hipotek Garantia di Boneiru

Kontrolá esaki semper bon, promé ku bo kuminsá ku e proseso di benta di bo kas.

Bo situashon personal a kambia dor di 1 òf mas di e siguiente situashonnan:

• Bo a terminá e bibamentu hunto pa motibu di un kiebro den e relashon ( i e hipotek a keda otorgá na bo i bo pareha den pasado);
• Bo no tin kulpa ku bo a pèrdè trabou
• Bo no por traha mas pa motibu di por ehèmpel un malesa
• Bo pareha a fayesé ( i e hipotek a keda otorgá na bo i bo pareha)

Bo no por paga e hipotek mas dor di kambionan den bo situashon personal

E kambionan den bo situashon personal tin influensia riba bo situashon finansiero. Esaki ta trese kuné ku bo no por kumpli ku bo obligashonnan pa ku e fiansa di hipotek. Bo mester tuma kontakto ku bo banko. Bo banko por kalkulá si bo por kumpli ku bo obligashonnan di sigui paga e hipotek.Ta importante pa laga hasi e kalkulashon aki mas lihé ku ta posibel dor di bo banko. En todo kaso promé ku bo pone e kas na benta, asina ku bo sa na tempu unda bo ta pará.

Semper bai bo mes ta keda responsabel pa entrega e datonan korekto i kompleto  pa laga hasi un kalkulashon.

Bo a hasi tur kos pa limitá e debe restante mas tantu ku ta posibel

• Bo ta kumpli ku bo obligashon di pago y otro debernan bou di e fiansa hipotek te na momentu di benta i ta evitá asin’aki un retraso den pago. Tambe otro gastunan – pagonan periódikamente i preminan – bo ta sìgui paga pa asina mantené e debe restante mas ménos posibel.
• Bo no tin un entrada propio òf kapital mas ku bo por limitá òf evitá e pèrdida di ganashi.

Bo a mantené e kas den un bon kondishon

Esaki ta nifiká ku e kas a wòrdu mantené sufisiente i ku no a hasi daño na e kas, ku ora laga hasi un balotashon esaki ta resultá den un pèrdida di e balor di kas.

Bo a trata di bende e kas na un balor mas alto ku ta posibel

Esaki ta nifiká ku bo mes a bende e kas na un forma privá i a aserká un makelar pa e motibu aki. Huntu a purba di bende e kas pa un suma mas alto ku ta posibel. Tene kuenta ku un oferta di un kumpradó potensial, semper bai mester keda notifiká na banko, promé ku akseptá esaki.

Den kaso di froude òf maluso di e Hipotek Garantia Boneiru, den ki forma ku ta, nos ta mantené e derecho pa tuma medidanan ku ta aplikabel den e situashon spesífiko aki. Por ehèmpel den kaso ku disidí pa otorgá un kanselashon di debe, ta hala e desishon aki aden i nos lo eksigí e debe restante. Ta mas ku klaro ku nos lo mantené nos mes na e lei- i reglanan vigente, tambe pa lokual ta toka e privasidat.

Riba e página aki tin algun ehèmpel di situashonnan ki ora sí bo ta haña un kanselashon di debe i ki ora no. Paga tinu: E ehèmpelnan aki no ta deskribí tur posibel kaso i/òf eksepshonnan. E balotashon semper ta tuma lugá a base di e situashon aktual i den bo kaso spesífiko. Esaki por kondusí ku por ta bo ta kumpli ku e kriterionan, pero a base di sirkunstansianan eksepshonal un kanselashon di debe no por tuma lugá. 

Kambio den bo situashon personal

Kanselashon di debe

• Durante e periodo di e fiansa bo a pèrdè bo trabou pa motibu di e sirkunstansia ekonómiko di e empresa. Despues bo a hasi tur kos posibel pa haña un trabou nobo, pero esaki no a logra. Pa motibu ku bo tin ménos entrada awor, bo (eventual huntu ku bo pareha) no por sigui paga e hipotek mas i mester bende e kas. Den e kaso aki bo por bin na remarke pa un kanselashon di debe, si bo ta kumpli ku e demas kriterionan.
• Bo tabata tin un trabou, pero a bira inválido. Dor di esaki bo no tin un entrada mas òf un entrada ménos. Pa motibu ku bo tin ménos entrada, (eventual huntu ku bo pareha) no por sigui paga e hipotek mas i mester bende e kas. Den e kaso aki tambe bo por bin na remarke pa un kanselashon di debe, si bo ta kumpli ku e otro kriterionan.

No tin kanselashon di debe

• Bo tin un kas, pero e kas no ta kumpli mas na bo deseonan personal. Por ehèmpel pa motibu ku bo ke bai biba den un kas mas grandi òf pa motibu ku bo ke muda pa un otro parti den Karibe Hulandes. Si den tal kaso bo ke bende bo kas i tin un debe restante, bo lo no risibí un kanselashon di debe.
• Bo tin un kas, pero bo no por sigui paga e hipotek pa motibu ku deliberadamente bo tin demasiado otro obligashonnan finansiero. Pensa akinan na un krédito ku ta sigui kore pa finansiamentu di un televishon òf outo. Si den tal kaso bo bende bo kas i originá un debe restante, bo lo no risibí un kanselashon di debe.
• Bo tabata tin un trabou, pero a wòrdu retirá na pia di trabou. Den e kaso aki ta papia di desempleo dor di propio kulpa. Si den e kaso aki bo tin di bende e kas, pasobra bo no por sigui paga e hipotek ku e konsekuensha ku un debe restante ta originá. Den e kaso aki tampoko bo lo risibí un kanselashon di debe.

Balotashon di entrada

Kanselashon di debe

• Bo relashon ku bo pareha a keda terminá i bo ke bende e kas i bo no tin e libertat pa hasi niun kompromiso finansiero adishonal. Bo a laga balotá bo entrada pa determiná si abo òf bo eks-pareha por sigui paga e hipotek. A base di e balotashon aki, esun ku ta fia bo plaka a konkluí ku ni separadamente ni huntu boso por sigui paga e hipotek . Den e kaso aki bo no ta bin na remarke pa un kanselashon di debe, ounke si bo ta kumpli ku e otro kriterionan.

No tin un kanselashon di debe

• Bo relashon ku bo pareha a keda terminá i bo ke bende e kas. Bo a laga balotá bo entrada pa determiná si abo òf bo eks-pareha por sigui paga e hipotek. A base di e balotashon aki, esun ku ta fia bo plaka a konkluí ku un di boso dos por sigui paga e hipotek. Si bo disidí di bende e kas tòg, pa motibu ku bo no ke sigui biba den e kas i un debe restante a originá, bo lo no risibí un kanselashon di debe pa e debe restante. Apesar ku bo situashon personal a kambia, no tin un motibu finansiero obligatorio pa bende e kas.
• Bo relashon ku bo pareha a keda terminá. Bo eks-pareha entretantu a bai biba otro kaminda. Bo no ta laga hasi un balotashon di bo entrada. Bo ta bende bo kas i ta krea un debe restante. For di e balotashon ku ta wòrdu hasí, ta resultá ku bo eks-pareha si por a sigui paga e hipotek. Pa e motibu aki e debe restante no ta keda kanselá. Apesar ku bo situashon personal a kambia, no ta tin un obligashon finansiero pa bende e kas.

Limitashon di e debe restante, mantenshon i makelar

Kanselashon di debe

• Bo no ta responsabel ku bo a pèrdè trabou i mester bende bo kas, debí ku no por sigui paga e  hipotek. Bo ta pone bo kas na benta serka un makelar i ta konsultá ku e makelar na ki manera e kas por wòrdu bendí pa un preis mas alto posibel. Bo ta pèrkurá ku e kas ta kla pa wòrdu bendí. E kas ta wòrdu bendí dor di bo mes (via e makelar). Di e manera aki bo ta bin na remarke pa un kanselashon di debe, si bo ta kumpli ku e otro kriterionan.

No ta kanselá e debe

• Bo na ta responsabel ku bo a pèrdè trabou i mester bende bo kas, pasobra bo no sigui paga e hipotek. Sinembargo bo a kuminsá ku renovashon di bo kas sin ku por a kaba ku esaki. Dor di esaki e kas su balor ta ménos kompará ku si a kaba renobá e kas i ta wòrdu bendí pa un preis muchu mas abou. E debe restante dor di esaki ta bira muchu mas alto. Bo no ta bin na remarke pa kanselashon di e debe, debí ku no a hasi tur kos na bo alkanse pa limitá e pèrdida.
• Bo na ta responsabel ku bo a pèrdè trabou i mester bende bo kas, pasobra bo no por sigui paga e hipotek. Bo no ta pagando bo hipotek mas i no ta tumando pasonan pa bende e kas. E finansiadó finalmente ta bende bo kas na vindishi, pa kual motibu e kas ta rindi un suma ménos ku si a bende esaki na un manera regular. E debe restante dor di esei ta bira mas alto. Bo no ta bin na remarke pa un kanselashon di e restante di e debe, pasobra bo no a hasi tur kos na bo alkanse pa limitá e pèrdida.

Limitashon di e restante di debe, pago di e gastunan di hipotek

No ta kanselá e debe

• Bo relashon a terminá i bo ke bende e kas. Bo a laga hasi un balotashon di bo entrada pa determiná si abo òf bo eks-pareha por paga e hipotek. Bo finansiadó a konkluí ku ámbos di boso separadamente no por sigui paga e hipotek. Konhuntamente boso no por sigui paga e interes riba e hipotek ni e pagonan mensual. Bo no ta pagando e gastunan di e hipotek mas òf parsialmente, debí ku bo ta di opinion ku ta bo eks-pareha mester paga e gastunan di hipotek. E debe restante dor di esaki a oumentá. Bo no ta bin na remarke pa kanselashon di debe di e debe restante.

Si bo bishita e websait algun cookies ta ser poné riba bo kòmpiuter.

Cookies funshonal

Cookies analítiko
Esakinan ta wòrdu pone pa Google Analytics. Nos ta midi por ehèmpel e frekuensia ku bishitantenan ta bin riba nos websait i kua páginanan nan ta bishitá. Ku e informashon aki aki nos por mehorá e forma i kontenido di e websait.

Optimalisá cookies
E cookies nan aki ta hasi mesun kos ku e cookies analítiko, pero ta duna bo e opshon di un feedback riba diferente página. Esaki ta wòrdu hasi dor di e instrumentoHotjar. Gustosamente nos ta risibí bo feedback, asina ku nos por mehorá e websait mas ainda. Bo por skohe pa de-aktiva e cookies nan bou di e ‘konfigurashon di cookies’. E boton aki bo por haña mas abou di e página.

Cookies di merkadeo
Esakinan no ta wòrdu usa aktualmente.

Ku e cookies nan nos no ta  kolektá informashon di bo persona.

Deklarashon di privasidat Stichting Waarborgfonds Eigen Woningen
Entorno di Hipotek Garantia Boneiru (HGB) 

Introdukshon
HGB ta un produkto di Stichting Waarborgfonds Eigen Woningen (WEW). WEW ta prosesá data personal. Gustosamente nos kier informá Bo na un manera kla i transparente. Den e deklarashon di privasidat bo por lesa kua datanan di bo persona WEW ta prosesá i pakiko.

WEW ta respetá bo privasidat i ta hasi tur lo posibel pa protehá e datanan personal ku nan ta prosesá; nos ta prosesá datanan personal na un manera di seguridat i kuidadoso i konforme e leinan i areglonan relevante.

Tur lokual ku keda prosesá dor di WEW tin su base den e meta di WEW pa Karibe Hulandes, ku ta enserá lo siguiente:

• WEW ke duna un aporte na e interes di e Estado Hulandes pa krea den Karibe Hulandes un klima benefisioso pa kasnan propio dor di ofresé konsumidónan e oportunidat di finansiamentu di un kas propio pa un preis mas abou ku ta posibel;
• E aporte aki ta korelá ke propio metanan di WEW, di kual e promoshon di propiedat di kasnan bou di individuonan, situá na Hulanda i tambe den Karibe Hulandes, - por lo pronto solamente Boneiru - kual lo ser habitá dor di nan mes
• WEW tin komo ophetivo pa determiná e efektividat i efisiensia di desaroyá un sistema di garantia di hipotek pa WEW na Boneiru. 

WEW no tin niun interes komersial i ta prosesá bo datanan únikamente i solamente pa duna kontenido na e metanan aki.

Korekshonnan
E deklarashon di privasidat por kambia na momentu ku desaroyonan nobo ta un motibu pa hasi esaki. E deklarashon di privasidat mas aktual semper bo por haña riba www.hypotheekgarantiebonaire.nl.

Definishonnan
Den e deklarashon aki algun terminologia ta wòrdu usa, kual nos lo ke aklará akibou.

• Datanan personal: data ku dirèkt- òf indirektamente ta bisa algu di bo. Por ehèmpel bo nòmber i adrès, pero tambe bo entrada.
• Kategoria partikular di data personal: esakinan ta datanan sensibel, manera entre otro desendensia ètniko, ideanan polítiko, konvikshon religioso, salú òf data penal.
• Prosesamentu: tur kos ku tin di haber ku datanan personal. Por ehèmpel inventarisashon, pero tambe warda, usa i eliminá bo datanan for di nos atministrashon.

Aplikabilidat
E deklarashon di privasidat ta aplikabel pa ku tur datanan personal ku WEW ta inventarisá i prosesá for di nan klientenan (potensial), usuarionan di nan websait i otro servisionan.

Responsabel
WEW ta esun responsabel pa prosesá datanan personal ku ta kai dentro di e márgen di uso di e deklarashon di privasidat. WEW tin su ofisina na Utrecht, Stadsplateau 13, 3521 AZ.

Base legal
Pa por prosesá datanan personal, un organisashon mester tin un base legal pa hasi esaki. E base legal pa hasi esaki ta wòrdu deskribí akibou.

Nos ta prosesá datanan personal di nos klientenan potensial, pa motibu ku nos tin un interes hustifiká. Dor di  warda e datanan, nos por hiba por ehèmpel  e atministrashon di WEW, kobra e provishon, atministrá e fondonan finansiero, integrá e rísikonan i duna kuenta di esakinan.  Mas ku klaro bo tambe tin probecho di esaki debí ku, den sierto kasonan, bo por reklamá e areglo pa kanselashon di debe òf por risibí otro tipo di ayudo di WEW si esaki ta posibel.

Pa por tuma un desishon enkuanto e kanselashon di debe, por sosodé ku datanan enkuanto e salú ta relevante. Esaki ta un kategoria partikular di datanan personal ku nos no por prosesá, alomenos ku bo duna permiso eksplísitamente atraves di e formulario ku ta otorgá e permiso aki. I solamente si nan ta di importansia i únikamente pa e metanan spesífiko aki riba menshoná.

Datanan personal relashoná ku un kondena penal i echonan penal òf aspektonan di seguridat relashoná ku esaki tambe ta un kategoria partikular di datanan personal. E datanan aki tampoko nos por prosesá, alomenos si esaki ta pa protehá nos interesnan i tin di aber ku hechonan penal ku por wòrdu kometí òf a keda kometí kontra di WEW. Òf pa balotashon di un petishon di e persona pa tuma un desishon over di dje òf pa duna un servisio na su persona. Aparte di esaki nos por prosesá e tipo di datanan aki, solamente ku bo permiso.

Dicho datanan nos ta prosesá solamente si nan ta alkaso i solamente pa e metanan spesífiko aki riba menshoná. Nos ta prosesá e datanan aki relashoná ku kombatimentu di froude i vigilá e integridat di e sektor finansiero. Esaki no solamente na interes di nos klientela, nos trahadónan, nos organisashon, pero tambe pa otro instansianan finansiero fuera di nos organisashon.

Si bo manda nos datanan personal, sin ku nos a pidi esakinan, por ehèmpel  pa puntra nos algu, nos por prosesá esakinan pa motibu ku dor di manda nos esakinan bo ta duna nos permiso pa usa e datanan personal aki pa kontestá bo preguntanan. Un eksepshon riba esaki ta datanan penal i di salu manera deskribí aki riba.

Ophetivo pa prosesá
Tur ophetivonan pa prosesá datanan di WEW ta relashoná ku nos metanan den e statuto. Den e paragraf aki lo aklará e metanan pa kada un aktividat di prosesamentu.

1. Prueba

Na momentu ku bo solisitá pa un hipotek kisas ta bon posibel ku bo ta pidiendo un HGB tambe. Bo finansiadó ta manda nos bo archivo di hipotek, asina ku nos por balotá si bo ta bin na remarke pa un hipotek ku HGB. Nos ta prosesá e datanan di bo entrada, eventual obligashonnan finansiero manera pagonan mensual di un debe pa un estudio òf un préstamo personal, bo edat, den kaso ku ta aplikabel e grandura di bo famia i e suma i komposishon di e fiansa ku bo ta deseá.

Relashoná ku un otorgashon responsabel di e HGB, bo finansiadó ta manda nos tambe e datanan di bo persona kual ta registrá na e Caribbean Credit Bureau. E datanan aki solamente por keda someté na nos, si abo duna bo permiso pa esaki. Si na momentu di apliká pa un hipotek ku HGB bo ta bibando na Hulanda (Europeo), e ora bo tambe tin di hasi un prueba di BKR.

2. Hipotek ku HGB

Den kaso ku bo a sera un hipotek ku HGB,  i WEW a akseptá bo petishon di un HGB, den tal kaso bo datanan despues di a pasa e akta di hipotek na notario, lo keda suministrá na nos. Esaki lo ta e mesun kategorianan di datanan ku esnan di ophetivo di prosesamentu 1 (prueba). E datanan aki nos ta prosesá  pa por registrá bo garantia.

3. Problemanan (menasante) di pago i preservashon di e kas

Por sosodé ku na un dado momento ku e hipotek ta bira difísil òf ta bira un menasa pa sigui paga. Terminashon di un relashon, inkapasitá pa traha i desempleo ta  sirkunstansianan nan ku por ta di influensha riba bo situashon finansiero. WEW den un kaso asina, huntu ku bo finansiadó, por yuda bo ku por ehèmpel  ku nivelá e atraso di pagamentu, konbertí e hipotek den unu pagabel,  asina ku bo por preservá bo kas i evitá un benta di bo kas ku pèrdida. Pa e fin aki nos ta prosesá, unda ku esaki ta relevante, datanan di e retraso di pago, situashon laboral òf eventual di un relashon terminá.

4. Bende bo kas

Si bo bende bo kas i surgi un pèrdida, esaki ta resultá den un debe restante. Ora bo tin un hipotek ku HGB, WEW bou di sierto kriterionan por kanselá e debe. WEW ta wak esaki na momento ku risibí un deklarashon di pèrdida di bo finansiadó i mester disidí si bo ta bin na remarke pa kanselashon di debe. Na e momento ei bo finansiadó ta traspasá e datanan ku e ta disponé di bo pa nos over. Esakinan ta datanan ku a keda inventarisá durante e periodo ku bo a habitá e kas i ku por ta relevante pa nos por husga e kanselashon di debe.

E archivo ta kontené datanan di bo entrada, eventual kapital i gastunan, eventual atraso di pagonan i e manera kon bo finansiadó a trata di kanselá e retrasonan aki. Banda di esaki e archivo, den sierto kasonan, lo kontené datanan enkuanto terminashon di e relashon, desempleo, bo salú òf salú di e miembro di famia òf un kaso penal.

5. Petishon pa rekonsiderashon òf apelashon

Ta bon posibel ku bo no ta di akuerdo ku e desishon ku WEW a tuma enkuanto bo kaso di kanselashon di debe. Den tal kaso bo por, ku òf sin asistensia di un representante hurídiko, entregá un petishon pa konsiderá e desishon. E datanan ku bo suministrá nos nos lo usa pa konsiderá si ta revisá e desishon.  Si esaki no resultá den un revishon di nos desishon bo por, ku asistensia di un representante hurídiko, pa apelá e desishon. Den tal kaso nos lo usa e datanan pa defendé nos punto di bista den un kaso den korte.

6. Komo identifikashon

Parti di bo archivo ku bo finansiadó a traspasá pa nos, ta konsistí di un kopia di bo legitimashon di identidat. E komprobante nos mester pa kontrolá si e prueba korekto di Caribbean Credit Bureau òf BKR a keda apliká.  E komprobante di bo identidat nos a risibí di bo finansiadó, kende ta pèrkurá pa bo number di identifikashon nashonal ta keda kanselá.

7. Komparashon di datanan

Pa garantisá ku nos datanan ta korekto, nos ta kompará esakinan periódikamente ku esnan di e finansiadó, di kual inisialmente nos a risibí nan.

8. Análisis di data

WEW ta kondusí a base di informashon agregá, un análisis di e uso di su servisionan i e rísikonan adishonal pa WEW. Na momentu di implementá e análisisnan, nos ta prosesá  e datanan personal pa por realisá análisis estadístiko. E resultadonan di e análisisnan ta keda raportá solamente riba un base agregá. Esaki ta nifiká ku e resultadonan den ningun sentido por keda akoplá na un kliente individual.  

9. Pregunta i kehonan

Bo por aserká nos ku bo pregunta òf kehonan via diferente kanalnan. Si bo tuma kontakto ku nos, nos lo prosesá datanan personal pa por kontesta bo pregunta. Pa e ophetivo aki nos lo prosesá bo nòmber, datanan di kontakto, bo korespondensia ku WEW over di pregunta i tur demas datanan personal ku bo a suministrá i kual ta nesesario pa por kontesta bo pregunta.

10. Desaroyo di produkto i análisis di data

WEW a base di informashon agregá ta kondusí análisis di e uso di su servisionan, e forma kon e proseso ta kana, i e riesgonan agregá pa WEW. Aserka nos ta wak e desaroyo di e merkado i e “trends” pa optimalisá nos servisio. Na momento di ehekutá e análisisnan aki, nos ta prosesá bo datanan pa realisá análisisnan estadístiko. Den dicho kaso e datanan ta keda deshasí di otro datanan ku direktamente ta konektá ku bo datanan personal. E resultadonan di e análisis ta keda solamente raportá riba un base agregá. Esaki ta nifiká ku di niun manera e resultadonan por keda konektá na klientenan individual.

11. Investigashon bou di e klientenan

Pa mehorá su produktonan i haña un mihó bista di e nesesidatnan di nos klientenan potensial, tin biaha nos ta tuma kontakto ku algun kliente selektá pa un enkuesta. Di e manera aki nos ta usa bo nòmber, adrès i lugá unda bo ta biba. E resultadonan di e enkuestanan aki den algun kaso ta ser usá pa hasi preguntanan adishonal. E reportahenan di e enkuestanan ta keda raportá únikamente riba un base agregá. Esaki ta nifiká ku e resultadonan den ningun sentido por keda akoplá na un kliente individual. 

Den kaso por wòrdu aserká pa un enkuesta asina, outomátikamente bo tin e derecho di nenga bo koperashon. Ademas bo por notifiká nos ku den futuro bo no ta deseá di partisipá na dicho enkuestanan. Ta bon posibel ku nos ta hasi un investigashon, den kual ku si e por keda akoplá.  Den kaso ku bo keda aserká pa partisipá, semper bai nos lo informá di esaki.

Fuentenan di datanan
Manera bo por a lesa den e kapítulo anterior, nos ta risibí datanan personal di diferente fuentenan. Akibou nos ta rubriká e fuentenan un biaha mas:

• E finansiadó di bo hipotek na momentu di toets i mèldu bo préstamo hipotekario ku HGB, den kaso di debenan atrasá, preguntanan i petishonnan na WEW òf den kaso di benta si tin di haber ku debe restante;
• E Caribbean Credit Bureau i e Bureau Krediet Registraties unda nos òf e finansiadó por pidi pa informashon enkuanto bo debenan.
• Un representante manera e.o. bo abogado den kaso di revishon òf apelashon;
• Bo mes, por ehèmpel via di websait, den kaso di apelashon òf medionan sosial.

Término pa warda
WEW tin un maneho di término pa warda dokumentonan den kual ta deskribí despues di kuantu tempu WEW ta deshasí òf anomisá e datanan personal. Den  liña grandi e siguiente términonan ta konta:

• Kanselashon di garantia regular: 7 aña;
• Benta ku kanselashon di debe: 10 aña;
• Benta sin kanselashon: 20 aña.

Si ta deseá nos por duna mas informashon enkuanto e términonan.

Divulgashon di datanan na otronan/terseronan
WEW ta involukrá den ehekutashon di su servisio diferente tersero partidonan, kual por keda dividí den e kategorianan akibou:

• IT Hosting
• Esnan enkargá ku rekuperashon
• Ofisina di enkuesta bou klientela
• Auditor
• Un ofisina di investigashon aktuario
• Imprenta & repartishon
• Esnan den outomatisashon.

Aparte di esaki WEW ta fasilitá datanan personal, den kaso relevante, na terseronan kende na un manera responsabel ta duna un servisio propio. Esakinan ta partidonan di e siguiente kategoria:

• Makelar
• Taxateur
• Notario
• Deurwaarder

Asina leu ku e tersero partidonan den ehekutashon di nan servisionan i aktividatnan komersial prosesá datanan personal, WEW lo apliká e medidanan kontraktual, tékniko i organisatorio nesesario  pa garantisá ku e datanan ta keda prosesá solamente si den e kuadra ei ta nesesario. En todo kaso e tersero partidonan solamente por prosesá e datanan personal di akuerdo ku e lei- i areglonan.

Tur datanan personal ku WEW ta prosesá ta keda warda den e Espasio Ekonómiko Europeo (EEE). Solamente si ta nesesario pa mantené e servisio na òrdu i riba petishon di WEW, atministradornan pafó di EEE por haña atmishon na e datanan. Den dicho kasonan un eventual prosesamentu ta wòrdu basá riba kombenionan den kual provishonnan standardisá relashoná ku protekshon di data – fihá dor di e Komishon Europeo – a keda inkluí. Por solisitá un kopia di e diferente akuerdonan serka privacy@nhg.nl

Solamente den kaso ku WEW pa Lei ta obligá, lo fasilitá datanan personal na outoridatnan fiskal, instansianan manera polis i hustisia, òf esnan ku ta mantené òrdu.

Interkambio di datanan personal den WEW
Den WEW solamente e empleadonan kendenan direktamente ta traha den e servisio ku e kliente, tin un bista riba e datanan personal. Esnan ku un derecho di eksepshon ta wòrdu kontrolá i supstansia otorgá.

Seguridat
WEW ta trata e datanan personal ku hopi koutela. WEW a tuma medidanan tékniko i organisatorio adekuado pa sigurá datanan personal  kontra di pèrdida òf prosesamentu ilegal. Akinan WEW ta basa su mes riba e standard internashonal rekonosé ISO 27001. E komponentenan prinsipal akinan ta training di e kolaboradornan, sigurá e server, protekshon físiko di espasionan unda e datanan ta warda i un Kódigo pa e datanan durante ku nan ta warda òf ora di transporte. Mas informashon tokante kon nos ta protehá bo datanan, bo por haña esakinan den nos Kódigo di Privasidat & Seguridat riba www.nhg.nl/privacy.

Nos ta konsehá bo tambe pa ta kuidadoso i konfidensial ku bo datanan i pa bo no kompartí datanan personal públikamente, sin e konsiderashon nesesario di koutela.

Bo derechonan
Komo suheto di e datanan bo tin e derecho di akseso, e derecho di rektifiká, eliminá e datanan i limitashon di e prosesamentu  i e derecho di opheshon kontra di prosesamentu. Banda di esaki bo tin e derecho di retrosedé un eventual permiso pa prosesá un kategoria partikular di data personal. E derechonan aki ta deskribí den artíkulo 15 te ku 22 di e Reglamento General di protekshon di data.  E derechonan aki no ta apsoluto i lo keda balotá den kada kaso.

Tambe bo tin e derecho di keda supordiná na solamente un sistema di prosesamentu outomátiko, bou di kual profilá, basá riba e desishon unda e konsekuensianan hurídiko pa bo ta mará òf den otro sentido ta afektá bo di un forma signifikante . Finalmente bo tin e derecho pa entrega un keho serka un outoridat ku ta supervisá, den kaso ku bo ta di opinion ku nos, den kuadra di e prosesamentu, no ta duna kontenido korekto na e leinan vigente i relevante.

Den tal kaso bo por akudí serka e Komishon supervishon protekshon di data personal BES i serka e Autoridat Datanan Personal na Hulanda Europeo (Pòstbùs 93374, 2509 AJ Den Haag). E outoridatnan aki ta traha huntu ku otro.

E ehersémentu di bo derechonan ta kuminsá en prinsipio ku e derecho di akseso. E petishon por eskrito por entrega serka nos, bou di agregashon di un kopia di un komprobante di bo legitimashon. Debí ku nos no mag di prosesá un number di identifikashon nashonal, nos ta supliká pa kita e number aki riba e kopia di  e komprobante di bo legitimashon.

Bo por dirigí bo petishon na privacy@nhg.nl of por eskrito na:

WEW
T.a.v. de functionaris voor gegevensbescherming
Stadsplateau 13
3521 AZ Utrecht
NEDERLAND

Nos ta supliká bo pa den bo petishon bo indiká si ta deseá di risibí e data por eskrito via pòst, òf si bo preferensia ta pa risibí e data via e-mail. Den tal kaso nos ta supliká bo tambe pa menshoná bo e-mail den e petishon.

E prosedura
Despues ku nos risibí bo petishon nos ta manda un konfirmashon di esaki.  Nos lo kuminsá traha na inventarisá tur informashon ku nos tin warda di bo. Por sosodé ku entretantu nos tin algun pregunta, pa kual motibu nos lo aserká bo. Aparte di esaki por sosodé ku nos tin di kita sierto informashon ku ta toka otro persona, por ehèmpel  bo eks-pareha.  Por ta e kaso tambe ku pa Lei nos ta obligá pa pidi permiso serka otro personanan pa por duna bo e datanan aki. Den sierto kaso esaki por trese un tardansa kuné. 

Nos lo hasi tur lo posibel pa den kuater siman pa manda un bista di tur e data ku ta konosí serka nos. Den kaso ku e término aki no ta alkansabel pa nos, nos lo informá bo mas pronto ku ta posibel. Esaki nos lo hasi en todo kaso promé ku e término di kuater siman pasa.  Segun e Lei e ta atmisibel pa e tempu adishonal keda alargá ku 4  siman mas. Nos lo trata sin embargo pa evitá esaki. Si nos a inventarisá tur e data, nos lo manda bo esakinan.

Pregunta
Pregunta over di di privasidat bo por hasi via privacy@nhg.nl

Nos no ta responsabel
Na e redakshon di e deklarashon di privasidat aki hopi koutela a keda dediká. Leinan- i areglonan vigente ta keda determinante pa kada situashon spesífiko.